My 'Secret' Love Affair

May karelasyon na ako noon. Yes. Kung tutuusin, siya pa nga ang nagpakilala sa akin sayo. Hindi ka naman ganoon ka appeal. Mukha ka lang naman na gwapo. Parang walking hot sex. Pero once I got to know you better, natuwa ako sa mga quirks and flaws mo. Hindi ko na namalayan, unti unti na-fall in love na pala ako sa isang katulad mo. Akala ko friends lang, or baka on the way to being a new best friend.



Nalaman rin ng karelasyon ko na napansin kong nafafall na ako sayo. Alam mo ba sinabi niya?



"Okay lang yan...May aaminin rin ako sayo. Mahal ko na rin siya. Pareho na kayong mahal ko..."

Ang gulo diba? Pero ika nga, 'LOVE' wins. :D

Kaso isang araw, nung nagtatanong ako sa bahay niyo kung nandyan ka pa ba, sabi ng yaya mo, umalis ka na raw.

"For good na ba?"

"Hindi ko po masabi ma'am. Pasensya na po."

Nagulat ako. Nagulat kami. Pero yung totoo, dapat siguro naghanda kami ng karelasyon ko para sa ganitong sitwasyon. Syempre, hindi lang kami ang buhay mo diba? Pero kasi...

...Mabuti pa yung iba. Nagpapaalam naman kapag aalis. May closure ba. Pero ikaw? Wala...



Naisip ko pa nga, na darating din naman ang araw, na hindi na ako magmamakaawa sa'yo na bumalik ka sa buhay ko. Magsasawa rin ako sa pag pilit at pangungulit ng sarili kong puso sa iyo. Huwag kang mag-alala, masasanay din ako na wala ka. Pangako yan.

Tapos, makikita na lang namin sa isang poster, after how many years, na nag balik ka na.

Grabe. Akala ko nga nun namalik mata ako habang naglalakad sa mall kasama yung karelasyon ko. Para nga akong tanga kasi medyo napasigaw ako. Naisigaw ko ang pangalan mo.

Kaso, hindi ko alam kung handa na ba akong harapin kang muli. Syempre, may inis ako na naramdaman kasi, ganun-ganun na lang ba yun? Na after mong mawala ng ilang taon eh... Pag balik mo, back to normal pa ba tayo ulit?

May halong kaba rin ang naramdaman ko. Baka kasi nag bago ka na. Mas okay kung for better. Eh paano kung sa pag alis mo at pagbalik, hindi mo na ako makilala? Paano kung wala na yung dating spark natin? Ipagtatabuyan mo pa ba ako? Kami?

Kinumbinsi ko rin nga pala na kaya ko lang talaga gustong makita ka eh para mag karoon na ng closure tayo. Ang corny ko no?

Kinabukasan, nag give in rin ako na makita ka. Naghahanap kasi ako ng makakaintindi sa mga nangyari lately. Pareho kami ng karelasyon ko na pagod na nung araw na yun. Pareho ka rin naman namin namiss. Kaya sumama siya.

Binisita ka namin sa bahay mo.

Ang tindi ng tensyon nun. Nagkatinginan tayo, at wala tayong nagawa. Una, magkabilaang halik. Pero hindi tayo nakatiis. Hindi nakatiis na mahagkan at matikman ang iyong katawan.

At ang iyong pinagbago?

Mas HOT ka ngayon kesa dati. Bawat haplos, bawat dikit ng labi ko sa iyong katawan, nakakapaso pero ang SARAP.

Sobrang Sarap.

Ayaw na kitang tigilan nun. Until now nga eh, nasa isipan pa rin kita.

Parang awa mo na. Alam ko sinabi mo na sandali ka lang sa Pinas. Pero pwede bang magtagal ka pa lalo? Wag ka munang umalis...

MC Spicy. <3



*** This is not a sponsored post. I just really love Mc Spicy Sandwich of McDonald's, and was very heartbroken when they took it off the menu. I had a really really bad day on the first of October, and it was when my husband suggested that we order a Mc Spicy that it became a bit more bearable. ;D #FoodPorn and #FoodLove. It was really a reunited love at first bite. :) ***